Friday, May 15, 2009

काही नोंदी

आज दांडी मारली आहे आणि दांडीफोन करुन १०-१५ मिनिटे झाली नाहीत तर लगेच कंटाळा आला.

एकाला विचारले काय करु? तो म्हणाला, mba कर. त्याला ‘आत्ता’ काय करु हा प्रश्न कळाला नाही असे नव्हे, पण तो दूरदर्शी आहे.
दुसऱ्याला विचारले काय करु? तो म्हणाला, माझे पैसे परत कर.
तिसऱ्या एकीला विचारले काय करु? ती म्हणाली, ब्लॉग लिही...पण मला रायटिंगला काय सब्जेक्ट्च नाय गावला.

<बालिश> <!--बोबडे बोल नसणारेत-->
काहीच करायला नव्हतं की. मला फारच कंटाळा आला होता. मग नां, मग नां, मी माझा हरविलेला सॉक्स शोधायचे ठरविले. सॉक्स तर बाबा काय मिळालाच नाही. पण दुसरीच एक गम्माडी जंमत झाली, मला नां सॅकमधे एक चिठ्ठी सापडली. ती चिठ्ठी म्हणजे, सांगू का? मी एरपोर्ट्वर असताना मज्जाच मज्जा बघितलेली, कंटाळा आल्यावर ती सग्गळी सग्गळी म्हणून त्या कागदावर लिहीली होती. आहे किनई खर्रच गंमत !
आई म्हणते तस्सेच झाले आगदी, "काखेत कळसा गावाला वळसा" चुक आहे वाटतं. हां "आग रामेश्वरी, बंब सोमेश्वरी". हेपण चुकलं वाटतं, मी पळतो विटी दांडू खेळायला तुम्ही बसा लिहीत.
</बालिश>

तर कंटिन्यू, मला रायटिंगला काय सब्जेक्ट्च नाय गावला पण लगेच लक्षात आले, ब्लॉगवर आपण जे काय लिहीतो ते सगळे सब्जेक्टिव्ह असतेच मग निराळ्या सब्जेक्ट्ची गरज ती काय, आं?
*
कसले मस्त, श्रीमंत असल्यासारखे वाटले खालचे हेडिंग लिहीताना

फ्रॅंकफर्ट विमानतळावरच्या नोंदी, दिनांक २७ मार्च २००९

१. सगळी वेगवेगळी, चित्रविचित्र माणसं, एअरपोर्टवर नाव-गाव-फळ-फूल खेळायला मजा येईल

२. काय भारी कोपरा पकडला आहे या बाईने, शेजारी खिडकी, मागे भिंत, खाली चार्जिंगसाठी सॉकेट. उठा हो काकू, विमान सुटेल.

३. ग्रॅंड परदेशी कुटुंब म्हणतात ते हेच ! नाही, ही तर ट्रॅव्हल कंपनीबरोबर आलेली माणसे आहेत. हा काय एजंट/मॅनेजर यांचा. एजंट तो एजंटच, जगात कुठेही जावा.

४. एअरपोर्टवर, टेडिबेअरचा मुका घेत फोटो काढण्यात काय पॉईंट आहे?

५. उठावे इथून, टूरवाली मंडळी लय कलकल करतायत.

६. कुठल्याही प्रकारचे जाकीट, जर्कीन घातलेले नाहिये असा एक मनुष्य दाखवा मला टर्मिनलवर !

७. धन्य झालो. बाकड्यांवर उड्या मारणाऱ्या मुलाला खाली ये सांगायला त्याची आई म्हणाली - "कम कम, फॉल डाउन".

८. पेन्सिलमागचे रबर दातांवर घासले तर दात स्वच्छ होतील का? व्हायला पाहिजेत, विज्ञान आहे भाऊ.

९. भांडण झाले आहे, तरी एकत्र चाललेत आपले, गावाला जायचे म्हणून. संसार म्हणजे तडजोडच हो.
*

नऊ, नऊच नोंदी ! दहा तरी करायच्या, मनसेला एक तरी जागा मिळणार.
***


9 comments:

Jaswandi said...

:D

Vidya Bhutkar said...

Jevan jhaley, aata jara padave ki nako, TV pahava ki maitrinila phone karava , resume update karava ki abhyas karava....ya sarv goshti sodun tujha blog vachla aani ajunahi kunala tari asach bore hotay baghun barr vatala. :P
Ani ho, tujhe blogs vachayla maja yete tyamule entertain hota he additional.
Airport varchya sarv notes bharich ani tya adhichya pan. :P

-Vidya.

Mahendra Kulkarni said...

नेहेमी प्रमाणेच छान जमलाय लेख.

सर्किट said...

he..he..

"come come fall down", ani pencil magachya khoDrubber ne daat ghasaychya nondi afaaT..!! :)

Unknown said...

hehe... aj sutti ka? sahiye!
nondi afaaT.. ani baalish tar far ch cute! :D

Raj said...

:D
>एअरपोर्टवर, टेडिबेअरचा मुका घेत फोटो काढण्यात >काय पॉईंट आहे?

addition :
टेडिबेअरचा मुका घेत फोटो काढण्यात काय पॉईंट आहे?
:-)

Yawning Dog said...

Thanks all :)

@Raj क्षणभर लक्षातच आले नाही काय लिहिलेस ते, नंतर कळाले :D

a Sane man said...

:D:D:D

Photographer Pappu!!! said...

>एअरपोर्टवर, टेडिबेअरचा मुका घेत फोटो काढण्यात >काय पॉईंट आहे?

addition :
टेडिबेअरचा मुका घेत फोटो काढण्यात काय पॉईंट आहे?

addition++:
टेडिबेअरचा मुका घेण्यात काय पॉईंट आहे? (आम्ही काय मेलो आहोत??)